Man vas ná gyselaarsdrama in Griekse bank
2010-08-23 19:30
Athene – ‘n Bankrower met handgranate en ‘n geweer het homself aan die polisie oorgegee nadat hy Maandag verskeie mense in ‘n bank gyselaar gehou het tydens ‘n poging om die bank te beroof, het amptenare gesê.
Die man het sowat 15 mense, onder wie werknemers van die bank en kliënte, gyselaar geneem, maar weer gelydelik vrygelaat totdat hy slegs drie mense oorgehad en vir verskeie ure gyselaar gehou het.
Polisie het vir ure met die man onderhandel en hy het glo op ‘n tyd vier skote afgevuur. Daar is later gevind dat dit slegs waarskuwingskote was en dat niemand beseer is nie.
Die polisie het vroeër twee verdagtes buite die bank in hegtenis geneem wat glo medepligtiges tydens die rooftog was.
Gewapende rooftogte is glo algemeen in Griekeland, veral in Athene en Thessaloniki, maar dit verander min in gyselaarsdramas.
Volg Nuus24 op Twitter
- Sapa - AP