Man sterf ná hy Viagra, dwelms by sekspartytjie sluk

2012-11-12 14:37

Den Haag – 'n Nederlandse man het by 'n sekspartytjie aan 'n hartaanval gesterf nadat hy glo Viagra en dwelms geneem het, het 'n plaaslike koerant Maandag berig.

Die man, wat slegs as Luc W. (43) geïdentifiseer is, het glo 'n "swingers"-partytjie (partytjies waar seksmaats geruil word) in België bygewoon toe hy inmekaargesak het, het die Algemeen Dagblad  berig.

"Dit is hoogs waarskynlik dat die slagoffer dwelms en moontlik ook Viagra geneem het," het die koerant berig.

Die slagoffer se vrou, wie se naam nie bekendgemaak is nie, het hom as 'n "liefdevolle" man beskryf.

"Luc was 'n vragmotorbestuurder en het nie baie geslaap nie. Die dokters het hom vroeër reeds gewaarsku dat sy are verstop is," het sy gesê.

Die voorval het Sondagoggend in die Vlaamse dorp Essen plaasgevind.

Volg Nuus24 op Twitter.

- Sapa - AFP