Man slaap in tronk oor skaapgeluide
2010-10-04 01:00
Berlyn – ‘n Dronk man wat sy bure woedend gemaak het deur in die middel van die nag soos n skaap te blêr en ander dieregeluide te maak, het in die tronk opgeëindig nadat hy sy inhegtenisname probeer weerstaan het, het Duitse polisie Sondag gesê.
Die 49-jarige het sy slapende bure Saterdagaand met ‘n reeks vertonings, veral skaapgeluide wat so lank as 20 minute geduur het, vermaak, het polisie in Coburg gesê.
Toe polisie probeer het om die man te stop, het hy “onredelik en aggressief” geraak, glo omdat hy wou voortgaan met sy skaapgeluide.
Beamptes het gevoel dat hulle geen ander keuse gehad het as om die man vir die nag op te sluit nie.
Die man het glo ‘n verskriklike hoë bloed-alkohol-vlak gehad.
Volg Nuus24 op Twitter.
- Sapa - AFP