Man skuldig ná hy meisie lewendig begrawe
2011-12-19 23:05
Londen – 'n Man is skuldig bevind aan poging tot moord nadat hy sy meisie in Mei met 'n skokstok aangeval en haar lewendig in 'n kartonboks begrawe het.
Marchin Kasprzak (25) het Michelina Lewandowska by hul huis met 'n skokstok aangeval. Hy het haar daarna met kleeflint vasgemaak en in 'n kartonboks gesit wat hy in 'n woud begrawe het.
Lewandowska het in die hof getuig sy het haar verloofring gebruik om die kleeflint van haar bene los te sny. Sy het daarna die boks stukkend geskeur wat ongeveer 10 cm in die grond begrawe was.
Sy het dit reggekry om te ontsnap en 'n geleentheid met 'n verbygaande motor te kry wat haar huistoe geneem het.
Kasprzak beweer egter hy wou net die 27-jarige Lewandowska, die ma van sy driejarige seun skrikmaak, en wou haar nie doodgemaak het nie.
Jurielede het hom Maandag skuldig bevind.
Hy sal in Januarie gevonnis word.
– Volg Nuus24 op Twitter.
- Sapa - AP