Man skiet vyf met geweer ná ontbyt-rusie
2010-09-12 05:45
Jackson, Kentucky - 'n Familielid van twee mense wat tydens 'n skietery in Kentucky dood is, sê dié skietery het ná 'n rusie tussen 'n man en sy vrou plaasgevind.
Die man en vrou het gestry oor hoe die vrou sy eiers gekook het.
Staatspolisie sê die 47-jarige Stanley Neace het vyf mense Saterdagoggend met 'n haelgeweer geskiet, voor hy homself in 'n woonwapark naby Jackson doodgeskiet het.
Sherri Anne Ronbinson, 'n familielid van twee van die slagoffers, het gesê Neace het kwaad geword toe sy vrou nie sy ontbyt volgens sy smaak gemaak het nie.
Robinson het gesê toe sy vrou na die bure se woonwa vlug, het Neace haar gevolg en sy vrou, stiefdogter en drie getuies doodgeskiet.
Sy het gesê Neace het 'n jong meisie toegelaat om te vlug.
Volg Nuus24 op Twitter
- AP