Man skiet meisie ná hy in publiek urineer

2012-11-23 14:15

Nieu-Delhi – ‘n 17-jarige meisie is deur ‘n man doodgeskiet nadat sy beswaar gemaak het teen die man wat in die publiek geürineer het, het die polisie Vrydag gesê.

Die man het na bewering ook die meisie se ma tydens die voorval Woensdag geskiet. Die polisie Vrydag met ‘n ondersoek begin na ‘n aanklag Donderdag ingedien is.

Die man was glo voorheen ‘n huurder in die meisie se gesin se woonstel.

“Die manm, wat in dieselfde gebou as die gesin gebly het, het teen die trappe wat na die gebou lei geürineer voordat die meisie en haar ma beswaar teen sy dade kom maak het en hom beveel het om die gebou te verlaat,” het Sunil Kumar, ‘n polisiehoof, gesê.

“’n Ernstige argument het gevolg waarna die man daar weg is. Hy het later teruggekeer met ‘n pistool en het die meisie en die ma geskiet.”

– Volg Nuus24 op Twitter
 

- Sapa-DPA