Man skiet 3 dood in gimnasium
2009-08-05 08:13
Pennsilvanië, Amerika- ‘n Gewapende man het ‘n gimnasium in Pittsburgh Dinsdag binnegestap en sonder waarskuwing op mense begin skiet. Vier mense is dood, insluitende die aanvaller, en 10 ander is beseer.
‘n Polisiebeampte, wie se naam nie bekend gemaak is nie sê twee vroue en ‘n man, wat moontlik die aanvaller is, is op die toneel dood terwyl ‘n vierde persoon op pad na die hospitaal oorlede is.
Die beseerdes is na ‘n nabygeleë hospitaal geneem vir verdere behandeling.
Volgens supt. Charles Moffatt het die aanvaller niks gesê terwyl hy op die mense geskiet het nie. "Hy het in die vertrek waar die voorval plaasgevind het ingestap asof hy presies geweet het waarheen hy gaan”, het Moffatt gesê.
Volgens ‘n ooggetuie het mense begin skreeu en uit die gebou gehardloop toe die man begin skiet het.
-Sapa