Man se penis verwyder ná vergrotingsbehandeling
2012-11-16 11:56
Bangkok – ‘n Thaise man se geslagsdele moes verwyder word ná ‘n poging om sy penis te vergoot, lelik skeefgeloop het, het medici Vrydag gesê.
Die man het olyfolie in sy penis probeer inspuit in 'n poging om dit te vergroot.
Dié metode word glo algemeen in Thailand gebruik, en een hospitaal in Bangkok ontvang maandeliks sowat 40 pasiënte wat sukkel met newe-effekte van die praktyk.
Byewas, silikoon en selfs paraffien word glo ook soms gebruik.
Die 50-jarige man, wie se geslagsdele die week weens ‘n erge infeksie verwyder is, het oor 'n hele aantal jare gereeld vir dié behandeling gegaan.
Boonop is kanker gedurende die operasie om sy penis te verwyder, by hom gediagnoseer.
“Dit is die grootste operasie wat verband hou met geslagsdele wat ons nog ooit gedoen het, omdat ons kanker ook gekry het,” het Sirikul Jiaranaikhajorn, ‘n woordvoerder vir die hospitaal, gesê.
Die man het die inspuitings by ‘n kliniek gekry, en het glo altyd sy vriende saamgeneem om hom te ondersteun.
– Volg Nuus24 op Twitter
- Sapa - AFP
