Man pleeg selfmoord voor toeriste

2011-04-07 14:53

Amsterdam – ‘n 36-jarige asielsoeker van Iran het Donderdag aan sy beserings beswyk nadat hy homself die vorige dag voor toeriste in dié Nederlandse stad aan die brand gesteek het, het polisie gesê.

Volgens ooggetuies het die man bystanders op die Dam-plein gewaarsku om weg te beweeg. Daarna het hy sy klere met ‘n aansteker aan die brand gesteek.

Hy is na ‘n hospitaal geneem waar hy later dood is.

Polisie sê hulle is nie seker hoekom die man homself aan die brand gesteek het nie.

Die man se aansoek om asiel is onlangs vir die laaste keer deur Nederlandse beamptes verwerp.

Daar word vermoed dat die man die Nederlandse nasionale monument op die Dam-plein doelbewus gekies het as die plek vir sy selfmoord.

Volg Nuus24 op Twitter.
 

- Sapa-DPA