Man moor kamermaat oor snorkery
2010-03-02 09:19
Beijing – ’n Chinese student wat glo nie meer sy kamermaat se snorkery kon hanteer nie, het erken dat hy hom in die middel van die nag met ’n mes doodgesteek het.
Zhao Yan (22) is aan die einde van verlede jaar in sy koshuiskamer by die Jilin Lanbou-universiteit aangeval.
Hy is in die bors en rug gesteek, het Xinhua-nuusagentskap Dinsdag berig.
Sy kamermaat, Guo Liwei, het Maandag skuld op die moord erken.
Guo sê dit was weens ‘n onderonsie oor sy kamermaat se snorkery.
Guo het vantevore oor Zhao se snorkery gekla en het ook ’n videogreep van die geraas op 'n kampuswebblad geplaas. Dit het tot verdere spanning tussen die kamermaats gelei.
"Ek het Zhao daarvan vertel en hy het kwaad geword. Hy het my keer op keer verbaal aangeval, en ek het besluit om hom te vermoor,” het Guo volgens hofdokumente gesê.
Guo wag op sy vonnis.
Oproepe na die hof is nie beantwoord nie.
- Sapa-AP