Dief met vals borste roof bank
2010-07-26 14:47
Swissvale – Volgens owerhede in Pennsilvanië het ‘n man met ‘n blonde pruik, vals borste onder sy trui en die broek van ‘n hanswors glo ‘n bank beroof.
Die Swissvale-polisie het Dennis Hawkins (48) Saterdag kort na die voorval in ‘n parkeerarea in hegtenis geneem. Hy was bloedrooi in die gesig nadat 'n pakkie kleursel, wat in die geldsak versteek was, in sy gesig ontplof het.
Greg Geppert, plaaslike polisiehoof, het bevestig dat Hawkins die bank met ‘n speelgoedgeweer beroof het wat hy vroeër by ‘n winkel gesteel het.
Na bewering het Hawkins in ‘n verbyganger se motor gespring. Die vrou het uitgespring en die polisie gekontak. Hawkins is later in die motor gevind.
Volg Nuus24 op Twitter.
- Sapa - AP