Israel: Man met mes, byl by VSA-ambassade aangekeer

2012-11-20 12:46

Jerusalem – Die polisie in Israel het gesê 'n man gewapen met 'n mes en 'n byl het 'n sekuriteitswag Maandag by die Amerikaanse ambassade in Tel Aviv aangeval.

Micky Rosenfeld, polisiewoordvoerder, het aan die AP-nuusagentskap gesê die sekuriteitswag het tydens die aanval skote in die lug gevuur.

Rosenfeld het bygevoeg dat die verdagte intussen vasgekeer is en op die toneel aangehou word.

'n Polisiewoordvoerder in Tel Aviv, Orit Friedman, het gesê die aanvaller is 'n Israeli in sy 40's.

Sy sê die rede vir die aanval is nie bekend nie, maar die polisie vermoed nie 'n politieke motief nie.

Friedman het bygevoeg dat die sekuriteitswag sy been in die voorval beseer het.

Die Amerikaanse ambassade het nie onmiddelik kommentaar gelewer nie.

Volg Nuus24 op Twitter.

- AP