Man martel glo sy vrou
2010-09-01 07:02
Hanford (Kalifornië). – ’n Man van hier wat jaloers was oor ’n boodskap op sy vriendin se Facebook-profiel het haar vier dae lank aangehou en gemartel terwyl hul kinders tuis was, het owerhede hier bekend gemaak.
Anthony Lozano (36) is die naweek by sy huis in hegtenis geneem in verband met ongegronde aanhouding, ontvoering, marteling en ander klagte.
Lozano het die slagoffer (23) daarvan beskuldig dat sy ’n verhouding het nadat hy die Facebook-boodskap gesien het, het die nuusblad The Hanford Sentinel berig. Daarna het hy glo gedreig om haar dood te maak en haar met ’n tou en ’n handdoek gewurg.
Die paartjie se kinders was tuis toe die aanval gebeur het. Lozano bly in aanhouding.
Volg Nuus24 op Twitter.
- Die Burger