Man kry 20 jaar ná hy verloofde lewendig begrawe
2012-01-13 23:09
Londen – ‘n Poolse man is Vrydag deur ‘n Britse hof tot 20 jaar tronkstraf gevonnis nadat hy probeer het om sy verloofde te vermoor deur haar lewendig in ‘n kartonboks te begrawe.
Die vrou, Michelina Lewandowska (27), het die voorval verlede Mei oorleef deur haar verloofring te gebruik om haarself uit die boks te sny.
Die Crown-hof in Leeds in die noorde van Engeland het gehoor dat Marcin Kasprzak (26) vir Lewandowska, die ma van hul driejarige seun, met ‘n skokgeweer in hul huis aangeval het.
Hy het haar daarna vasgebind en in die boks geplaas en dit in ‘n nabygeleë woud onder grond en blare begrawe.
Regter Peter Collier het die saak as “onhartlik” beskryf.
“Om lewend begrawe te word moet een van die ergste maniere wees waarvan mens kan droom om te sterf. Dit was jou bedoeling dat sy nie gevind moet word nie en dit was jou bedoeling dat sy daar moes doodgaan,” het hy gesê.
In ‘n verklaring ná die verhoor het Lewandowska gesê: “Gedurende my tyd in my vlak graf waar ek lewendig begrawe was, was ek bang dat my lewe tot ‘n einde sou kom en dat ek gaan doodgaan.”
– Volg Nuus24 op Twitter
- Sapa-DPA