Man jaag teen verkeer ná kat se dood
2010-09-03 20:31
Tokio – ‘n Japannese man het vir 90 km aan die verkeerde kant van ‘n snelweg gery en deur vyf polisie versperrings gejaag omdat sy kat dood is, het hy aan die polisie gesê.
Tsutomu Mizumoto, 31, is vroeg Woensdag op die noordelike eiland Hokkaido in hegtenis geneem, het die Mainichi berig.
Die polisie het gesê dat hulle kort voor ses die oggend ‘n noodoproep ontvang het van ‘n motor wat naby Otaru aan die verkeerde kant van die pad ry.
Hulle het die motor sowat 15 minute later opgespoor en die bestuurder beveel om te stop.
Mizumoto het hulle geïgnoreer en weggejaag, deur vyf versperrings gery en deur ‘n tolhek gejaag. Hy het uiteindelik om 07:15 gestop en polisie het hom ingeneem.
“Ek was hartseer omdat my kat dood is,” het hy aan die polisie gesê.
“Ek wou iets mal doen.”
Volg Nuus24 op Twitter
- Sapa - AFP