Man in hof oor vrou se liggaamsdele in pot

2012-11-23 11:15

Kalifornië – ‘n Man van Kalifornië wie se vrou se vleis op sy stoof staan en kook het, het onskuldig gepleit op aanklagte van moord, het amptenare gesê.

Die polisie in Oceanside sê hulle het Frederick Hengl (68) verlede Vrydag in hegtenis geneem nadat 'n snaakse reuk by sy huis uitgekom en hulle ondersoek gaan instel het. Hy het die huis saam met sy vrou Anna Faris (73) gedeel.

Ondersoekbeamptes het van Faris se liggaamsdele in potte op die stoof gekry, het Katherine Flaherty, ‘n prokureur, gesê.

“Behalwe vir die liggaamsdele wat in die pot gevind is, is die slagoffer se kop in die vrieskas gevind,” het Flaherty gesê.

Hengl is in hegtenis geneem terwyl hy 'n bier in 'n nabygeleë kroeg geniet het. Hy is aangekla van moord, die verminking van 'n oorskot en wreedheid teenoor 'n afhanklike bejaarde.

Hy het op al die aanklagte onskuldig gepleit.

– Volg Nuus24 op Twitter
 

- Reuters