Man hou vrou in kelder aan
2011-01-28 21:00
Sao Paulo – ‘n Brasiliaanse man is in hegtenis geneem ná hy blykbaar sy vrou vir agt jaar agter slot en grendel in die kelder van hul huis aangehou het, berig Huffington Post.
Joao Batista Groppo (64) is in hegtenis geneem nadat hulle sy vrou van 40 jaar, in ‘n “smerige, donker” kelder gekry het, het insp. Jaqueline Barcelos Coutinho gesê.
Die polisie het gereageer op ‘n anonieme telefoonoproep.
Die egpaar se seun was bewus van die situasie, maar kon sy pa glo nie oortuig om sy ma vry te laat nie.
Volgens Coutinho sal die seun moontlik ook aangekla word.
Groppo het aan die polisie gesê dat hy sy vrou opgesluit het omdat sy “geestelik versteurd en aggressief” is.
Kliek hier vir die volledige storie.
Volg Nuus24 op Twitter.