Man hap aan muisstert op McDonald's-burger

2012-07-18 07:35

Santiago – Gesondheidsowerhede in Chili het bevestig wat 'n man al weke lank beweer – dat hy 'n muisstert in sy McDonald's-hamburger gevind het.

Die man het in Junie iets eienaardig opgelet toe hy 'n hap van die hamburger vat. Hy het dié hamburger by 'n McDonald's-restaurant in die suidelike dorp van Temuco, sowat 700 km van die Chileense hoofstad, Santiago, gekoop.

Hy het gesê dit lyk soos 'n muisstert en het 'n klag by die plaaslike gesondheidsowerhede ingedien.

Waldo Armstrong, hoof van die departement van gesondheid in die streek, het die klant se vrese bevestig.

"Daar was spore van die stert tussen die kaas en die rolletjie en die stert is gaargemaak."

Die restaurant se deure is gesluit en muis-feses is tydens 'n ondersoek in die restaurant gevind. Owerhede het ook tydens die ondersoek bevind dat die stert opsetlik op die hamburger gesit is.

Owerhede sal nou bepaal wat die boete moet wees en die restaurant sal tot dan gesluit wees.

– Volg Nuus24 op Twitter

- AFP