Man erken hy wou New York aanval
2010-02-23 12:06
Kaapstad – ‘n Al-Kaïda-verdagte het skuld erken op 'n aanklag dat hy deel was van ‘n komplot om New York aan te val en “martelaarskap na Manhattan” te bring, het Sky News berig.
Najibullah Zazi, ‘n immigrant uit Afganistan, het sy deel erken in ‘n plan om die stad se ondergrondse vervoerstelsel op 11 September 2009 aan te val.
Dit sou die ergste aanval teen Amerika gewees het sedert die aanvalle op 11 September 2001.
“Die plan was om ‘n martelaarskap-operasie in Manhattan uit te voer. Vir my sou dit beteken dat ek myself sou offer om die aandag te vestig op wat die Amerikaanse weermag besig was om aan burgerlikes in Afganistan te doen,” het die 25-jarige aan die hof gesê.
Lees die volle storie hier