Man dra vrou se kop in sak
2010-09-22 05:34
Madrid – ‘n Spaanse man het sonder om te blik of the bloos ‘n bier saam met sy vriende sit en drink terwyl hy sy vrou se kop in ‘n sak vasgehou het.
Na die bier het die 34-jarige man ‘n kragtoring uitgeklim en is hy deur een van die drade geskok voor hy 30m ver grond toe geval het.
Hy is later die aand in die hospitaal oorlede.
Volgens die ABC- daaglikse koerant, wat ooggetuies aanhaal, het die man aan sy vriende in die kroeg vertel dat hy sy 30-jarige vrou onthoof het.
Hy was egter so kalm toe hy dit sê, dat niemand hom geglo het nie, ten spyte van die bloedmerke op sy hemp.
“’n Ruk later, toe hulle die kroeg verlaat, het hulle besef dit was glad nie ‘n grap nie.
“Daar was ‘n poel bloed buite... hulle het die sak naby die kroeg gevind. Binne in die sak was die slagoffer se kop,” het ABC berig.
Die polisie het bevestig dat hulle die vrou se lyk vol meswonde gevind het en dat haar vemeende moordenaar van die toring afgeval en later in ‘n hospitaal in Cordoba gesterf het.
Volg Nuus24 op Twitter.
- AFP