Haai byt man in gesig
2010-09-03 09:00
Sydney – ‘n Australiese man is deur ‘n haai aangeval en in die gesig en nek gebyt tydens ‘n vakansie in die Solomon Eilande, het amptenare Vrydag gesê.
Die man, wat deur die media as die 34-jarige Benjamin D’Emden van Sydney geïdentifiseer is, is in ‘n stabiele toestand in die hospitaal in die land se hoofstad Honiara, het ‘n woordvoerder vir buitelandse sake gesê.
Volgens berigte het D’Emden geswem toe die haai hom van onder af aangeval en in die gesig gebyt het. Hy het talle ernstige snywonde opgedoen.
Dokters het beplan om hom terug na Sydney te vlieg vir noodbehandeling, het die Daily Telegraph gesê.
Volg Nuus24 op Twitter
- Sapa - AFP