Man by Sweedse premier se woning doodgeskiet

2012-11-09 07:30

Stockholm – 'n Man is Vrydag by die amptelike woning van die Sweedse premier, Frederik Reinfeldt, in Stockholm doodgeskiet. Die premier was nie ten tye van die voorval in die gebou nie, het die plaaslike media Vrydag berig.

'n Woordvoerder vir die polisie, Tove Hagg, het aan AFP bevestig dat 'n man dood is.

Sy wou nie besonderhede gee nie, maar het gesê "daar is sover niks leidrade wat tot 'n misdaad dui nie."

Hagg het gesê die man het "volle toegang" tot die gebou gehad, maar was nie 'n lyfwag of 'n werknemer van die regering of parlement nie.

Markus Friberg, 'n woordvoerder vir die premier het aan AFP bevestig dat Reinfeldt nie in die gebou was toe die skietery plaasgevind het nie.

Volg Nuus24 op Twitter.

- Sapa - AP