Man beroof ou tantes en kry 75 jaar
2009-12-03 12:57
New York - ‘n Man wat ‘n 101-jarige vrou op pad kerk toe beroof het, is tot 75 jaar tronkstraf gevonnis.
Jack Rhodes, ‘n inwoner van Queens, is Woensdag gevonnis nadat hy daarvan skuldig bevind is dat hy drie vrouens, insluitende die 103-jarige Rose Morat, geviktimiseer het.
Volgens owerhede het Rhodes (47) twee van die vroue juis oor hul ouderdomme geteiken – ‘n oortreding teen die staat se 'haatmisdade-wet'.
Die wet skryf feller vonnisse voor.
‘n Sekuriteitskamera het die 2007 aanval op Morat verfilm.
Dit wys hoe sy met haar loopraam die woonstelgebou verlaat toe sy aangeval is.
Morat het ‘n gebreekte wangbeen en verskeie kneusplekke opgedoen.
Haar aanvaller het met $33, sowat R240, gevlug.
Paul Montgomery, Rhodes se prokureur, het tydens die verhoor ooggetuies se weergawes van die voorval bevraagteken en voorgestel dat Rhodes vals beskuldig is.
- Sapa-AP