Man aangehou ná meisie (5) verdwyn

2012-10-05 13:20

Londen – Mark Bridger is onder verdenking van moord in hegtenis geneem in verband met die verdwyning van die vyfjarige April Jones, het die polisie gesê.

Beamptes het dié jongste verwikkeling by 'n mediakonferensie bekendgemaak.

Dít kom nadat spesialisspanne 'n nag van stortreën getrotseer het terwyl hulle na Jones gesoek het.

Die ondersoek is nou in sy vyfde dag en speurders het tot 17:00 kans om hul hoofverdagte, Brigder, aan te kla of vry te laat tensy hulle aansoek doen vir 'n verdere lasbrief van aanhouding.

Beamptes het ook 'n gastehuis deursoek waar Bridger glo onlangs gewerk het.

Jones is Maandag laas gesien toe sy naby haar huis in die dorp Machynlleth in 'n voertuig geklim het.

– Sky News.

– Volg Nuus24 op Twitter.