Maleisiese kleuters met hamer aangeval
2010-03-11 13:51
Koeala Lumpur – Drie kinders het ernstige kopbeserings opgedoen nadat ’n verdagte Woensdag by ’n kleuterkool ingestorm het en woes te kere gegaan het.
Die Maleisiese polisie het ’n soektog na die aanvaller geloods wat steeds soek is.
Die man het oor die heining van die kleuterskool in die suidelike staat, Johor geklim en die geslote traliehek oopgeskop.
Hy het eers die skoolhoof aangeval voordat hy na die 20 sesjarige kleuters gedraai het.
"Ons is steeds op soek na die man. Sowat 100 polisiebeamptes is by die soektog betrokke,” het Mohammed Nasir Ramsli, die streek se polisiehoof gesê.
Die polisie het padblokkades opgestel en huis-tot-huis besoeke afgelê.
"Die drie kinders is steeds in die hospitaal, maar hulle is tans in ‘n stabiele toestand,” het hy gesê.
Die polisie is besig om die rede vir die aanval te ondersoek.
Die man het die skoolhoof met pepersproei en 'n hamer aangeval, het The Star berig.
Hy het daarna die hamer in die rigting van die kinders begin rondswaai wat op daardie stadium besig was om ontbyt te eet.
Hy het op ‘n motorfiets gevlug.
-Sapa-AFP