Maleisië: Gevangenes kaap polisiemotor, ontsnap

2013-01-07 11:35

Kuala Lumpur – Sewe gevangenes het Maandag in die noorde van Maleisië ‘n polisievoertuig gekaap wat hulle hof toe moes neem, het ‘n amptenaar gesê.

Die mans, wat op verskeie aanklagte sou teregstaan, was onderweg na Lutterworth toe twee van hulle glo uit hul boeie losgekom het. Hulle het die polisiebeampte wat saam met hulle agter in die voertuig gesit het, oorrompel.

“Toe die twee beamptes wat voor in die voertuig gesit het gaan kyk het wat die probleem agter in die voertuig was, is hulle deur die mans aangeval, wat die voertuig toe gekaap het en van die toneel gevlug het,” het ‘n amptenaar gesê.

Die polisie het die verlate voertuig in ‘n nabye palmolieplantasie gekry. Die verdagtes is steeds soek.

– Volg Nuus24 op Twitter

- Sapa-DPA