Maleisië: Aussie van dwelmhandel vrygespreek

2012-11-09 16:11

Kuala Lampur – ‘n Australiese verpleegster wat deur die doodstraf in die gesig gestaar is nadat sy beskuldig was van dwelmhandel, is Vrydag deur ‘n Maleisiese hof vrygespreek nadat aanklaers die klagtes teen haar laat vaar het.

Emma Louise L'Aiguille is in Julie saam met ‘n Nigeriese man in hegtenis geneem toe hulle glo met een kilogram tik in hul besit betrap is.

L'Aiguille, wat van Melbourne afkomstig is, was glo saam met haar mede-beskuldigde in ‘n motor toe die polisie ‘n klopjag op die voertuig uitgevoer het en dwelms gevind het.

L'Aiguille se prokureur het egter daarop aangedring dat sy geen kennis van die dwelms gehad het nie.

“Die aanklagte teen haar is laat vaar. Sy is nou ‘n vrye vroue, “ het haar prokureur gesê.

– Volg Nuus24 op Twitter
 

- Sapa - AFP