Maksimum straf vir onderwyser wat lol

2010-03-18 18:37

Tokio – ‘n Voormalige Japannese primêre skool-onderwyser is Donderdag skuldig bevind aan 95 aanklagte van seksuele aanranding en is tot 30 jaar tronkstraf gevonnis.

‘n Hooggeregshof in Hirosjima het die hoogste moontlike uitspraak teen die 44-jarige gelewer, het die Kyodo-nuusagentskap berig.

Die onderwyser het tussen 2001 en 2006 slagoffers tussen die ouderdomme van nege en 12 op 95 verskeie kere verkrag of seksueel aangerand.

Die hof het aangevoer dat die man die publieke vertroue in onderwysers misbruik het met sy “monsteragtige dade” en dat hy min spyt getoon het. Gevolglik het hy ‘n maksimum straf verdien.

- Sapa-dpa