Madoff se broer 10 jaar tronk toe gestuur

2012-12-21 07:33

New York – Peter Madoff, die broer van die Amerikaanse bedrieër Bernie Madoff, is Donderdag tien jaar tronkstraf opgelê vir bedrog.

Hy is aangekla van bedrog, wat verband hou met die familie se beleggingsmaatskappy.

Die 67-jarige Peter het skuldig gepleit op aanklagte van sameswering om bedrog te pleeg vir sy rol as boekhouer van sy broer se maatskappy.

Bernard is 150 jaar tronk toe gestuur nadat hy skuldig gepleit het op aanklagte dat hy beleggers uit miljarde dollars verkul het.

– Volg Nuus24 op Twitter

- AFP