Maatskappy moet hoes oor 9/11-gedenkmunte

2013-01-20 13:15

New York – 'n Maatskappy wat 9/11-gedenkmunte verkoop het, het ingestem om $750 000 (sowat R6,6 miljoen) te betaal oor klagtes dat hy verbruikers bedrieg het.

Dié munte het volgens die maatskappy glo silwer van Ground Zero bevat.

Die Amerikaanse federale handelskommissie (FTC) het gesê National Collector's Mint, Inc., wat in New York gebaseer is, het klante laat opdok vir items wat hulle nooit bestel het nie en het versuim om sy produkte te identifiseer as namaaksels.

'n Wet wat in 2010 aanvaar is, het 'n amptelike 9/11-medalje geskep vir die museum wat by die World Trade Center-terrein gebou word.

Die New Yorkse senator Charles Schumer en die Republikein Jerrold Nadler het aangevoer dat die maatskappy se muntstukke die museum van sy fondse kan ontneem.

Die FTC het in 'n verklaring gesê die ooreenkoms verhoed die maatskappy om sy produkte verkeerdelik voor te stel. 'n Hof moet dié produkte goedkeur.

Schumer het Saterdag gesê die land sal nie 'n "veragtelike bedrogspul" duld nie.

Die maatskappy kon nie onmiddellik vir kommentaar bereik word nie.
      
– Volg Nuus24 op Twitter

- Sapa - AP