Ma wat kind se hand teen muur vasplak, gevonnis

2012-10-08 15:34

Dallas – 'n Vrou van Texas wat erken het dat sy haar tweejarige dogter geslaan en haar hande teen 'n muur vasgeplak het, word eersdaags gevonnis.

Elizabeth Escalona het op 12 Julie skuld erken.

Die jong ma sal later Maandag gevonnis word en kan tot lewenslange tronkstraf opgelê word. 

Haar dogter was vir twee dae in 'n koma ná die voorval op 7 September 2011.

Die meisie, sowel as haar broers en susters, is tans in die staat se sorg.

Volgens polisierekords het die kleuter se broers en susters aan ondersoekbeamptes gesê die ma het die kind herhaaldelik in haar maag geskop en haar met verskeie voorwerpe geslaan voordat sy haar hande teen die muur vasgeplak het.

Sy was vir 'n week in die hospitaal.

Volgens die polisie in Dallas was Escalona woedend nadat sy gesukkel het om haar dogter te leer om 'n potjie te gebruik.

– Volg Nuus24 op Twitter.

- AP