Ma vermoor seun 'oor klein penis'
2013-02-28 10:59
Djakarta – ‘n Indonesiese vrou wat haar negejarige seun in 'n bad verdrink het, beweer sy was bekommerd dat sy “klein penis” sy toekomsvooruitsigte negatief sou raak, het ‘n polisiewoordvoerder Donderdag gesê.
Die 38-jarige vrou van Djakarta het aan die polisie gesê dat haar seun ‘n klein penis gehad het voor hy besny is, maar dat dit selfs verder gekrimp ná dié operasie, het Rikwanto, ‘n polisiewoordvoerder wat slegs dié naam gebruik, aan AFP gesê.
“Sy het aan die ondersoekbeamptes gesê sy het hom om die lewe gebring omdat hy ‘n somber toekoms sou hê met sy klein penis,” het Rikwanto gesê.
“Sy het haar seun in ‘n bad vol water verdrink. Sy het hom daarna aangetrek en op ‘n bed neergelê. Sy is daarna na ‘n nabygeleë polisiekantoor, waar sy die misdaad aangemeld het.”
Volgens Rikwanto was die vrou ten volle bewus van wat sy gedoen het, maar die polisie het beveel dat ‘n sielkundige toets gedoen moet word om haar geestestoestand te bepaal.
– Volg Nuus24 op Twitter
- Sapa - AFP
