Ma vermoor sesjarige kind
2011-05-19 23:03
Boston (Amerika) – ‘n Vrou wie se sesjarige seuntjie
dood langs ‘n grondpad in Maine gevind
is, word van moord aangekla.
Julianne McCrery (42) word daarvan beskuldig dat sy haar eie seun, Camden Hughes, vermoor het.
Die nadoodse ondersoek het getoon dat hy dood
is weens ‘n gebrek aan asem.
McCrery het van die owerhede gevlug, maar die
polisie het haar uiteindelik in Massachusetts vasgetrek.
McCrery se prokureur sê dat sy selfmoordneigings toon.
“Sy huil konstant en sê dat sy by haar
seuntjie in die hemel wil wees,” het hy gesê.
McCrery is al twee maal in Texas vir prostitusie in hegtenis
geneem .
Sy is ook al gevang met dwelms, wat sy
skynbaar wou verkoop.
‘n Plaaslike inwoner het die sesjarige
seuntjie se lyk langs ‘n grondpad in South Berwick, Maine, op die grens tussen
Maine en New Hampshire gevind.
Die polisie vermoed dat sy die seuntjie
dieselfde dag nog in New Hampshire doodgemaak en op vlug geslaan nadat sy sy lyk
langs die pad gelos het.
Volg Nuus24 op Twitter.
- Sapa - AP