Ma van asblik-baba: Ek is verkrag
2010-09-17 10:09
Manila, Filippyne - 'n Filippynse vrou wat erken het dat sy op 'n vlug vanaf die Midde-Ooste geboorte geskenk en die kind toe in 'n asblik op die vliegtuig gegooi het, het gesê haar werkgewer het haar verkrag, het 'n wetgewer gesê.
Lani Mercado, 'n Filippynse wetgewer, sê die vrou voer aan sy het as 'n huishulp in Katar gewerk waar haar werkgewer haar verkrag het.
Die vrou het gesê haar werkgewer se vrou het haar gedwing om terug te keer huis toe. Sy kon haar swangerskap versteek en op die vliegtuig klim.
"Sy het kraampyne in die vliegtuig gekry. Toe het sy geboorte geskenk," het Mercado gesê.
Mercado sê die vrou het die kind verwaarloos omdat sy bang was wat haar familie sou sê.
Die vrou het gekraam terwyl die vliegtuig Manila genader het.
Die 30-jarige vrou is Woensdag opgespoor.
Volg Nuus24 op Twitter
- AP