Ma tweet kind se dood
2009-12-19 05:46
Florida - 'n Ma van Florida word deur bloggers en Twitter-gebruikers oor die kole gehaal omdat sy in minder as 'n halfuur 'n tweet oor die dood van haar seun op Twitter geskryf het.
Die seun het in 'n swembad by hul huis verdrink.
Shellie Ross (38) het'n boodskap op die sosiale netwerk gepos en mense gevra om vir haar seun te bid ná hy Maandag in die swembad geval het.
Haar seun, Bryson, is 'n uur later dood.
Ross het meer as 5000 volgers op Twitter.
Sy het op haar blog gesê sy gaan nie kommentaar lewer oor wat gebeur het nie.
– Sapa-AP