Ma fnuik aanval by Twilight-vertoning
2012-11-17 11:30
Chicago – 'n Ma van Missouri het haar seun se plan, om mense by 'n vertoning van die nuutste Twilight-film, gefnuik toe sy die polisie daarvan in kennis gestel het.
Luidens hofdokumente het die 20-jarige Blaec Lammers se ma aan die polisie gesê haar seun het opgehou om sy medikasie te gebruik en aanvalsgewere gekoop.
Die polisie het Lammers Donderdag by 'n Sonic-kitskosrestaurant opgespoor nadat sy ma aan hulle gesê het sy is bekommerd oor die wapens wat hy gekoop het. Volgens haar was die wapens soortgelyk aan dié wat in die onlangse slagting by die première van die nuwe Batman-film in Colorado gebruik is.
Lammers het aanvanklik aan speurders gesê hy het die wapens gekoop om te gaan jag, maar het die waarheid vertel toe hulle die onlangse skietaanvalle bespreek het. Hy het aan die polisie gesê "hy het baie in gemeen" met die skieters.
Hy het later erken dat hy die wapens gekoop het "met die bedoeling om Saterdagaand 'n aanval by die fliekteater in Bolivar, Missouri, uit te voer".
"Blaec Lammers gesê toe hy daaraan begin dink, het hy besef dat die ammunisie te min gaan wees en het toe besluit dat hy op mense by Wal-Mart gaan losbrand," het Dustin Ross, 'n speurder, gesê.
Lammers het aan beamptes gesê hy het beplan "om by die winkel in te stap en blindelings op mense te skiet". Hy het verder gesê hy het 400 rondes ammunisie gekoop en sou homself ná die skietery aan die polisie oorgee.
Hy is Vrydag aangekla.
Lammers is in 2009 in hegtenis geneem nadat hy gedreig het om 'n Wal-Mart-werknemer dood te skiet.
– Volg Nuus24 op Twitter
- AFP
