Lyke hoop op in Sirië
2011-12-07 12:19
Damaskus – Minstens 34 mense is deur burgermagte lojaal aan die regering in die Siriese stad Homs ontvoer en doodgemaak, het aktiviste gesê.
Volgens Syrian Observatory for Human Rights het ooggetuies gesê die lyke is Maandag op ‘n plein in die stad gevind.
Die bewerings is tot dusver nie onafhanklik bevestig nie, aangesien buitelandse media nie in die land mag wees nie, het die BBC berig.
Intussen het Jihad al-Makdisi, woordvoerder vir die departement van buitelandse sake, aan verslaggewers gesê hy verwag dat ‘n ooreenkoms tussen pres. Bashar al-Assad en die Arabiese Liga binnekort bereik sal word.
Lees meer hier
Volg Nuus24 op Twitter