Lughawe-skieter se vuurwapen was foutief
2011-03-04 17:00
Karlsruhe – Die pistool wat deur die verdagte gebruik is om twee Amerikaanse lede van die lugmag by die Frankfurt-lughawe dood te skiet, het tydens die aanval nie reg gewerk nie, het ‘n Duitse ondersoekbeampte gesê.
Die staatsaanklaer Rainer Griesbaum meen die dodelike voorval het tot minder sterftes gelei aangesien die vuurwapen nie korrek gewerk het nie.
Griesbaum het Vrydag aan verslaggewers gesê die verdagte, Arid Uka, erken dat hy die misdaad gepleeg het.
Uka het erken dat hy Woensdag na die Frankfurt-lughawe gegaan het om Amerikaners dood te maak “om wraak te neem teen die Amerikaanse missie in Afganistan.”
Volgens Griesbaum het Uka een lid van die Amerikaanse lugmag buite 'n bus agter in sy kop geskiet. Uka het daarna aan boord die bus geklim en die bestuurder in die kop geskiet. Beide mans is dood.
Nadat hy op twee ander lede geskiet en hulle gewond het, het hy die pistool teen ‘n derde lid se kop gehou. Uka het die sneller twee keer getrek, maar die vuurwapen het nie afgegaan nie.
Uka het daarna gevlug. Die man wat amper ook 'n slagoffer geword het, het Uka gejaag en hom binne die lughawe gevang.
Volg Nuus24 op Twitter.
- Sapa - AP