Liggaamsdele in Kanada het aan Chinese student behoort

2012-06-14 23:03

Montreal – DNS-toetse het bevestig dat ‘n hand en ‘n voet wat in die pos na twee skole in Vancouver gestuur is, aan ‘n Chinese student behoort het wat in Montreal vermoor en vermink is, het die polisie Donderdag gesê.

Die jongste toetse, wat DNS van sy pa gebruik het, het nou bevestig dat al die menslike dele, insluitende ‘n bors wat in Montreal gevind is en ‘n ander voet en hand wat na politieke partye in Ottawa gestuur is, aan Lin Jun (33) behoort het.

Die porno-ster Luca Rocco Magnotta word verdink van die moord op Lin, ‘n Chinese burger wat by Montreal se Concordia Universiteit studeer het. Hy het Lin glo met ‘n yspik gesteek, waarna hy die lyk vermink het.

Lin se kop is nog nie gevind nie.

Magnotta is in Duitsland in hegtenis geneem nadat hy uit Kanada gevlug het en wag vir sy uitlewering na Kanada.

0 Volg Nuus24 op Twitter
.

 

- AFP