Liefde maak rower blind, en dom
2009-09-21 08:40
Taipei - ’n Taiwannese misdadiger wat ’n verpleegster met ’n mes gesteek het, is in hegtenis geneem toe hy na die misdaadtoneel terugkeer om sy liefde vir haar te uiter.
Die 22-jarige oortreder het die 18-jarige vrou verlede week in die rug gesteek en wou haar beroof, het die Taiwanse polisie gesê.
Die slagoffer het hom egter gesmeek om haar nie te beroof nie, en hy het haar na ’n hospitaal geneem vir behandeling van haar meswond.
"Toe ek sien hoe pragtig jy lyk, het ek besluit om anders op te tree," het die misdadiger in ’n liefdesnota gesê, berig die polisie.
Hy het sy slagoffer verder gevra om hom te vergewe en gesê hy hoop om op te maak vir sy oortreding.
"Kontak my asseblief," het die nota gelees wat hy op die vrou se motorfiets gelos het.
Die vrou het wel met die rower herenig, maar ongelukkig vir hom het sy ’n groep polisiebeamptes saamgebring.
Die man is op die plek in hegtenis geneem.
- Sapa-AFP