Leraar sê nou hy gaan nie Koran verbrand
2010-09-10 14:01
Washington - Die leraar van 'n klein kerk in Florida het Vrydag gesê hy beplan nie om eksemplare van die Koran te verbrand om die 9/11-aanvalle te herdenk nie, en hoop 'n Moslem imam sal 'n vergadering reël met diegene wat beplan om 'n Islamitiese sentrum naby die terrein van die New York-aanvalle te bou.
"Op die oomblik het ons nie planne om dit te doen nie," het past. Terry Jones van Gainesville, Florida aan ABC se Good Morning America gesê.
"Ons glo die imam gaan hou by wat hy ons Woensdag beloof het...Ons glo dat ons Saterdag die imam in New York gaan ontmoet soos hy gesê en belowe het."
Volg Nuus24 op Twitter
- Reuters