Landmyn eis troue se gaste
2009-12-04 14:09
Pesjawar, Pakistan – Sowat drie trougaste is dood en nog 15 beseer toe die minibus waarin hulle gery het ‘n landmyn getref het, het owerhede gesê.
Die ontploffing het in die dorpie Chinari, sowat 50km noordwes van Ghalanai, plaasgevind.
“’n Voertuig waarin verskeie gaste van ‘n troue was het ‘n anti-tenk landmyn getref. Ek kan bevestig dat sowat 3 persone dood en nog 15 ander in die voorval beseer is,” het Amjad Ali Khan, top-administratiewe beampte, aan AFP gesê.
Volgens hom kan die dodetal steeds toeneem.
Rasool Khan, ook ‘n senior beampte, het die voorval bevestig en gesê dat sekuriteitsmagte onlangs ‘n suksesvolle operasie uitgevoer het teen opstandelinge in dié area.
– Sapa-AFP