Kragtige aardbewing tref Taiwan
2010-03-04 15:03
Taipei - ’n Aardbewing met 'n grootte van 6.4 het die suide van Taiwan Donderdagoggend getref.
Die aardbewing het grootskaalse skade en kommunikasie-onderbrekings regoor die eiland veroorsaak.
Talle mense is beseer, het plaaslike nuusagentskappe gesê.
Die aardbewing het Kaohsiung, sowat 249km vanaf die hoofstad Taipei, getref.
Geen Tsoenami-waarskuwings is uitgereik nie.
Kuo Kai-wen, die direkteur by die sentrale weerburo se seismologiese sentrum, het gesê Taiwan se aardbewing is nie geologies aan die skudding in Chili verbind nie.
‘n Brand het enkele oomblikke na die aardbewing in ‘n klerefabriek in Tainan uitgebreek en ‘n trein het in die suide van Taiwan ontspoor.
Taipei is deur kragonderbrekings getref. Telefoondienste in sommige dele van Taiwan is ook onderbreek.
Die eiland van Taiwan word gedurig deur aardbewings geskud, maar veroorsaak gewoonlik min of geen skade nie.
-Sapa-AP