Kort rokkies en gevryery in skoolgange teen die reëls
2011-09-15 19:04
Sofia – Bulgaarse skole het nou genoeg gehad van
skoliere wal al hoe meer gewaagd aantrek en in skoolgange staan en vry.
Skole in dié land was tot en met die val van
kommunisme baie gedissiplineerd en dit wil voorkom asof daar in sekere opsigte
na dié jare terugverlang word.
“Studente mag geensins fisies intiem raak met
mekaar in die klaskamer of op die skoolgronde nie,” lui die nuwe regulasies by ‘n
hoërskool in Sofia, die hoofstad van Bulgarye.
n Skool in Shumen het ook met die aanvang van
die nuwe skooljaar in Bulgarye ‘n
soortgelyke paragraaf by hul skoolreëls ingesluit.
“Die jonger skoliere sien hoe vry die ouer
leerlinge in die skoolgange en dis nie reg nie,” het Neli Kostova, hoof van
Clement d’Ohrid Hoërskool in Sofia, gesê.
By dié skool is daar ook ‘n verbod op die dra
van “gevaarlike skoene” geplaas, wat rolskaatse of skoene met speke insluit.
Baie skole in Bulgarye het so ver gegaan as om die
dra van skooluniforms weer in te stel.
Meeste skole het egter bloot die reëls aangaande gepaste
skooldrag gewysig.
By Vasil Levski Hoërskool in Vidin mag rokke
en rompe nie meer as 10cm bo die knie en hakke nie hoër as 4cm wees nie.
Bostukke moet ook beslis die middel toemaak.
“Dis moeilik om ‘n skoolseun se aandag te hou
as die meisie wat langs hom sit se naeltjie wys of haar halslyn te laag is,” het Tsvetana Georgieva, ‘n Duitse
onderwyser, gesê.
Volg Nuus24 op Twitter.
- Sapa - AFP