Konsertganger, musikant spring na dood
2010-08-22 02:15
‘n Konsertganger in Amerika het vanaf ‘n dak na ‘n verhoog gespring, terwyl ‘n Britse musikant in België na ‘n parkeergebied van ‘n telekommunikasiepaal af gespring het.
Albei het na hul dood geval.
Buite San Fransisco het ‘n konsertganger in ‘n blykbare selfmoordpoging gesterf toe hy van ‘n amfiteater se dak tot op die verhoog, waar ‘n folkmusiek-groep opgetree het, gespring het.
Edward Pickels (32) is dood tydens ‘n optrede deur die groep Swell Season by die Mountain Winery-wynplaas se buitelugteater.
Hy is saam met ‘n vriend na die konsert, maar het in die middel van die optrede weggeglip.
Kort daarna het hy op die dak bo die musikante verskyn en vanaf ‘n hoogte van minstens agt meter na die verhoog geval.
‘n Konsertganger het gesê Swell Season het kort voor die man se val ‘n liedjie met die naam “When Your Mind’s Made Up” uitgevoer. Die twee groeplede het die optrede stopgesit.
- By die Pukkelpop-musiekfees in België het die hoofsanger van ‘n Britse popgroep teen ‘n telekommunikasietoring opgeklim en na die parkeergebied onder hom gespring, berig Sapa-AP.
Polisie sê die 22-jarige Charles Haddon van die groep Ou Est Le Swimming Pool het Vrydag laat gesterf by die Pukkelpop-fees in Hasselt, ‘n dorp in die ooste van België.
Die polisie beskou sy dood as selfmoord.
- Sapa-DPA