Kommer oor lekkasie by kernaanleg in VSA

2013-02-23 12:03

Washington – Die goewerneur van Washington, Jay Inslee, het bekendgemaak dat ses ondergrondse tenks by 'n kernkragaanleg, radio-aktiewe afval uitlek.

Inslee het dit as kommerwekkend bestempel.

Die tenks by die Hanford kernkragaanleg, wat al voorheen as Amerika se mees besoedelde kernaanleg bestempel is, hou egter volgens Inslee geen gevaar vir mense se gesondheid in nie.

Verlede week is 'n lekkasie van 'n tenk ook aangemeld by die Hanford-kernreservaat, wat in die Tweede Wêreldoorlog opsy gesit is vir kerndoeleindes. 

Volg Nuus24 op Twitter.

- AFP