Komkommers, slaai en tamatie kry groen lig
2011-06-10 17:37
Berlyn – Komkommers, tamaties en blaarslaai sal Vrydag amptelik die groen lig kry deur Duitse amptenare ná die E.coli-uitbraak wat 30 mense se lewens geëis het, het bronne in Berlyn gesê.
Waarskuwings word steeds uitgereik oor groente-spruite en ertjies, met bewyse wat daarop dui dat die E.coli van ‘n marktuin, die Bienenbuettel Gaertnerhof, gekom het, het bronne van die politieke party gesê.
Regeringsamptenare sou na verwagting Vrydagoggend ‘n aankondiging in Berlyn maak. Die waarskuwing teen die drie groentes is op 25 Mei uitgereik en het ‘n reuse-terugslag beteken vir die Europese vars produkte-mark.
Die mark is sedertdien gesluit.
Die tuin is deur vegetariërs bestuur en groente-spruite is gegroei om slaaie mee te versier.
Die tempo van infeksies het begin afneem.
Volg Nuus24 op Twitter
- Sapa-DPA