Kofi Annan nou onderwyser
2009-09-03 14:59
Singapoer - Kofi Annan, voormalige sekretaris-generaal van die Verenigde Nasies (VN) sal volgende jaar sy plek by die Universiteit van Singapoer as ‘n onderwyser inneem.
Annan sal sy loopbaan as ‘n onderwyser vroeg 2010 by die Lee Kuan Yew skool by die Nasionale Universiteit van Singapoer afskop, het ‘n woordvoerder van die skool gesê.
Die skool is egter nog besig om sy rol by die skool te formuleer, asook watter kursus hy sal aanbied en die hoeveelheid klasse wat hy sal onderrig.
Annan sal die professorskap van een van die rykste mans in Hong Kong, Li Ka-sing oorneem wat ‘n R536 miljoen in 2007 aan die skool geskenk het.
Dié skool is vernoem na die stigter van die moderne Singapoer en eerste eersteminister Lee Kuan Yew.
-Sapa-AFP