'Koelbloedige moord' in Algerië veroordeel

2013-01-17 09:07

Sydney – Die Britse minister van buitelandse sake, William Hague, het Donderdag bevestig dat 'n Brit dood is in 'n aanval op ‘n gasveld in die ooste van Algerië.

Hague het verder gesê enige verband met die krisis in Mali is 'n verskoning vir "koelbloedige moord".

"Hoewel ek die dood van 'n Britse burgerlike kan bevestig, kan ek nie in die stadium bevestig hoeveel mense as gyselaars aangehou word nie," het hy tydens 'n besoek aan Sydney gesê.

Al-Kaïda in die Islamitiese Maghreb (AQIM) het vroeër aanspreeklikheid vir die aanval aanvaar en gesê ses mense is ontvoer," het BBC News berig.

BP het bevestig dat ‘n gasveld in Algerië, wat hy saam met vennote bestuur, aangeval is.

Ses mense is ook in die aanval beseer.

– Volg Nuus24 op Twitter

- AFP