Knox en kêrel skuldig
2009-12-05 02:06
Perugia, Italië - Die Amerikaner Amanda Knox is skuldig bevind aan die moord op haar Britse kamermaat, Meredith Kercher, in 2007 en tronk toe gestuur vir 26 jaar.
Knox se gewese kêrel en mede-aangeklaagde, Raffaele Sollecito, is ook skuldig bevind en tot 25 jaar tronkstraf gevonnis
Knox het in die hof gehuil en later begin skreeu toe die regter die uitspraak gelewer het, terwyl Sollecito strak voor hom uitgestaar het.
Knox en Sollecito is op 1 November 2007 saam met nog 'n beskuldigde, Rudy Guede, in hegtenis geneem nadat Kercher se halfnaakte lyk in 'n poel bloed gevind is, in die woonstel wat sy met Knox gedeel het.
- Sapa